Misirdə Azərbaycan dilini öyrənmək istəyənlərin sayı artır

2023
Misirdə Azərbaycan dilini öyrənmək istəyənlərin sayı artır

“Misir-Azərbaycan Dostluq Cəmiyyəti fəaliyyətə başlayandan sonra dilimizi öyrənənlərin sayı gündən-günə artır. Bu gün dünyada Azərbaycanı təbliğ etməyin əsas yollarından biri də dilimizin tədrisidir”. Bu barədə uzun illərdir Qahirə şəhərində Azərbaycan dilini tədris edən Misir-Azərbaycan Dostluq Cəmiyyətinin sədri, Ərəb ölkələri üzrə Azərbaycanlıların Koordinasiya Şurasının Misirdəki koordinatoru, tədqiqatçı-alim Seymur Nəsirov bildirib.

Diaspor rəhbəri qeyd edib ki, cəmiyyətin nəzdində fəaliyyət göstərən kurslara dilimizə böyük maraq göstərən daha 92 nəfərin müraciət etməsi buna bariz nümunədir. Artıq yeni müdavimlər üçün açılan əlavə qrupda ilk dərs keçirilib.

Misir-Azərbaycan Dostluq Cəmiyyətinin binasında Azərbaycan dili kurslarının yeni müdavimləri ilə təşkil edilən görüşdə misirli gənclərin dilimizə, həmçinin ədəbiyyatımıza böyük marağından məmnunluq ifadə edilib. İki dost ölkə arasında əlaqələrin inkişafından, tarixi mənbələrdə azərbaycanlıların ərəb mədəniyyəti və ədəbiyyatının inkişafına töhfələrindən danışılıb.

Bu il müasir Azərbaycan dövlətinin qurucusu, ulu öndər Heydər Əliyevin anadan olmasının 100 illiyi münasibətilə Dostluq Cəmiyyəti tərəfindən silsilə tədbirlər keçirildiyi, belə tədbirlərdən birinin də ərəb xəttatlığı, Azərbaycan tarixi və xalqımızın görkəmli şəxsiyyətləri mövzusunda və Qurani-Kərimin hafizləri arasında keçirilən müsabiqələr olduğu vurğulanıb.

Seymur Nəsirov söyləyib ki, Azərbaycan Respublikası Diasporla İş üzrə Dövlət Komitəsinin dəstəyi ilə müsabiqələrin qaliblərinin Azərbaycana səfərinin təşkili də nəzərdə tutulub.

Qeyd edək ki, Misir-Azərbaycan Dostluq Cəmiyyətinin nəzdindəki kurslarda Azərbaycan dili ilə yanaşı, müxtəlif fənlər üzrə 55 ölkədən 500 dən çox gənc ödənişsiz təhsil alır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/misirde-azerbaycan-dilini-oyrenmek-isteyenlerin-sayi-artir-3249

Brigham Young Universitetində Azərbaycan dilini öyrənən amerikalı tələbələr milli mətbəximizlə maraqlanırlar
, 2023
Brigham Young Universitetində Azərbaycan dilini öyrənən amerikalı tələbələr milli mətbəximizlə maraqlanırlar
Yuta-Azərbaycan Dostluq Təşkilatının sədri Əsmər Qarayeva Provo şəhərində yerləşən Briqam Yanq Universitetinin (Brigham Young University) “Azərbaycan dili 101” kursunun milli mətbəximizə həsr olunmuş dərsində iştirak edib.

Dərs zamanı Əsmər Qarayeva və Azərbaycan icmasının üzvü Kamran Qarayev tələbələrə Azərbaycanın zəngin mətbəxi haqqında ətraflı məlumat veriblər.

Azərbaycan dilində qonaqları salamlayan və özlərini təqdim edən amerikalı tələbələr ölkəmizlə maraqlandıqlarını, onu görmək istədiklərini bildiriblər.

Sonra Əsmər və Kamran Qarayevlər milli mətbəximizin ləziz xörəklərindən birinin hazırlanma qaydasını tələbələrə izah ediblər.

Qeyd edək ki, Briqam Yanq Universiteti ABŞ-da Azərbaycan dili kursunu təşkil edən ilk ali məktəbdir. Azərbaycan dilini universitetin müəllimi Endrü Bonni tədris edir. Hazırda “Azərbaycan dili 101” kursunda 10 amerikalı tələbə təhsil alır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/brigham-young-universitetinde-azerbaycan-dilini-oyrenen-amerikali-telebeler-milli-metbeximizle-maraqlanirlar-2856

dilini – Son Star Gazetesi

Misirdə Azərbaycan dilini öyrənmək istəyənlərin sayı artır

Brigham Young Universitetində Azərbaycan dilini öyrənən amerikalı tələbələr milli mətbəximizlə maraqlanırlar