Bolnisidəki soydaşlarımız Zəfər Günü və Dövlət Bayrağı Gününü qeyd ediblər
18 noyabr, 2026
Bolnisidəki soydaşlarımız Zəfər Günü və Dövlət Bayrağı Gününü qeyd ediblər
Gürcüstanın Bolnisi şəhərində fəaliyyət göstərən Qafqaz Hüquq və İnteqrasiya Mərkəzində 8 Noyabr – Zəfər Günü və 9 Noyabr – Dövlət Bayrağı Günü münasibətilə tədbir keçirilib.
Azərbaycan və Gürcüstanın Dövlət himnlərinin səsləndirilməsi ilə başlayan tədbirdə hər iki ölkənin ərazi bütövlüyü və suverenliyi uğrunda canlarından keçən şəhidlərin xatirəsi bir dəqiqəlik sükutla yad edilib.
Mərkəzin direktoru Rezo Həsənov 44 günlük Vətən müharibəsinin tarixi əhəmiyyətindən danışıb. O, Qarabağın azad edilməsinin Müzəffər Ali Baş Komandan İlham Əliyevin qətiyyətli rəhbərliyi, rəşadətli Azərbaycan Ordusunun qəhrəmanlığı və xalqımızın birliyi sayəsində mümkün olduğunu bildirib.
Digər natiqlər tarixi Zəfərin milli qürur və həmrəyliyin təcəssümü olduğunu, şəhidlərin fədakarlığının və qazilərin qəhrəmanlığının gələcək nəsillərə örnək təşkil etdiyini diqqətə çatdırıblar. Dövlət Bayrağının müstəqilliyimizin, dövlətçiliyimizin və suverenliyimizin rəmzi kimi daşıdığı mənəvi dəyərdən söz açıblar.
Tədbirin sonunda Mərkəzin gəncləri Zəfər Gününə həsr olunan şeirlər səsləndirib, “8 Noyabr – Azərbaycanın Əbədi Zəfəri” adlı inşa müsabiqəsinin iştirakçılarına sertifikatlar təqdim edilib.
Foto qalereya

dostların arasında bunu ilk tövsiyyə edən sən ol
Digər xəbərlər
mənbə: https://diaspor.gov.az/az/news-detail/bolnisideki-soydaslarimiz-zefer-gunu-ve-dovlet-bayragi-gununu-qeyd-edibler-7559
https://x.com/DiasporaAz/status/2122973214381105585
Son Star Gazetesi